दैनिक इंडिया न्यूज़ लखनऊ, 14 अगस्त 2024 ,उत्तरप्रदेश-संस्कृतसंस्थानं लखनऊ इत्यस्मिन् श्रीशिवप्रसाद-संस्कृतमहाविद्यालयस्य लखनऊ च संयुक्ततत्वावधानेन “विभाजनविभीषिका-स्मृतिदिनम्” इति विषये महाविद्यालयपरिसरे विशेषः कार्यक्रमः आयोजितः। अस्मिन्नेव कार्यक्रमे 14 अगस्त 1947 तमस्य दिनाङ्के पाकिस्तानतः भारतं प्रति विस्थापितानां परिवाराणां दुःखानां संघर्षस्य च स्मरणं कृतम्।
अस्मिन्नेव कार्यक्रमे मुख्य वक्तारः आसन् सेवानिवृत्त-प्रबन्धकः नेशनल् इन्सुरेंस् संस्थायाः श्रीप्रकाश-गोधवानिः, नवयुगकन्या-महाविद्यालयस्य संस्कृतविभागाध्यक्षा प्रो. रीता-तिवारी महोदया च, लखनऊविश्वविद्यालयस्य ज्योतिर्विज्ञानविभागस्य प्रवक्ता डॉ. अनिलकुमार-पोरवालः च। ते विभाजनस्य समये विद्यमानाः कठिनताः तथा विस्थापितपरिवाराणां संघर्षं च सर्वेभ्यः अभिज्ञापयन्।
अस्मिन्नेव अवसरसमये महाविद्यालयस्य प्राचार्यः डॉ. विनोदकुमार-मिश्रः, उत्तरप्रदेश-संस्कृतसंस्थानस्य वरिष्ठ-प्रशासनिकाधिकारी श्रीदिनेश-मिश्रः, सर्वेक्षकः श्रीमहेंद्र-पाठकः, व्याकरणविभागाध्यक्षः श्रीरोहित-द्विवेदीः, साहित्यविभागाध्यक्षः दीपागुप्तः, वेदविभागाध्यक्षः सत्यम्-द्विवेदीः इत्येतैः सह विद्यालयस्य सर्वे छात्राः अपि उपस्थिताः आसन्।
अयं कार्यक्रमः विभाजनस्य समयस्य विभीषिकायाः स्मरणं कृत्वा सर्वेभ्यः स्वकर्तव्यानां उत्तरदायित्वानां च आवेदितवान्। उपस्थिताः छात्राः अपि अस्मात् कार्यक्रमात् प्रेरणां प्राप्य स्वदेशस्य इतिहासं गम्भीरतया अवगन्तुं प्रयत्नवन्तः।
